Partiyên Kurdistanê li ser banga PDKyê civiyan

PeyamaKurd – Li ser banga PDKyê civîneke krîtîk li Pîrmam tê lidarxistin. Aloziyên mûçe û enerjiyê yên bi Bexdayê re tên nîqaşkirin, lê hin partiyên opozîsyonê beşdar nebûn.

Li navçeya Pîrmamê a parêzgeha Hewlêrê, bi beşdariya gelek partiyên siyasî yên Kurdistanê, di bin serokatiya Partiya Demokrat a Kurdistanê (PDK) de, civînek li ser aloziyên bi Bexdayê re ji ber nedayîna mûçeyan û peymanên enerjiyê tê lidarxistin. Hin ji partiyên opozisyonê red kirin ku beşdarî civînê bibin.

Partiyên beşdarî civînê bûn ev in: Yekîtiya Niştimaniya Kurdistanê (YNK), Partiya Sosyalîst a Demokratîk a Kurdistanê (PSDK), Yekgirtûya Îslamî ya Kurdistanê (Yekgirtû), Partiya Komunîst a Kurdistanê û baskê Kurdsatê yê Tevgera Guherînê (Goran).

Li gorî peyamnêra Rûdawê Renca Cemal, Wezîrê Derve yê Iraqê û şanda Yekîtiya Niştîmanî ya Kurdistanê (YNK) - endamê Mekteba Siyasî Salar Lalê Serhed û endamê encumena serkirdayetiyê Dr. Mecîd Ehmed  jî gihîştin cihê civînê.

Şandeya Partiya Komunîst a Kurdistanê bi serokatiya sekreterê giştî yê partiyê Dr. Kawa Mehmud re tev lê bû. Serokê Partiya Sosyalîst Demokrat a Kurdistanê Mihemed Hacî Mehmud serokatiya şandeya partiya xwe kir. Şandeyên Tevgera Têkiliyên Îslamî ya Kurdistanê û Partiya Zêhmetkêşan a Kurdistanê jî gihîştin cihê civînê. Dana Ehmed Mecîd, rêveberê Kurdsatê, ku nûnertiya baskê Kurdsatê yê Tevgera Goran dike, wekî serokê şandeyê beşdarî civînê bû.

Lê belê, partiya mixalefetê ya Herêma Kurdistanê, Tevgera Nifşê Nû (Nwê Nwe), Tevgera Helwêsta Neteweyî (Helwêst), Eniya Gel (Bereye Gel), Koma Edaletê ya Kurdistanê (Komel) û baskê Zargata yê Tevgera Goran beşdarî civînê nebûn.

Ev nivîs 112 car hatiye xwendin.