Benjamin Netanyahu: Hamas wê êdî Xezzeyê birêve nebe
PeyamaKurd – Serokwezîrê Îsraîlê Benjamin Netanyahu çû Korîdora Netzarim a ku di bin kontrola Îsraîlê de ye li Şerîda Xezzeyê û bi leşkerên li herêmê re hevdîtin kir.
Di daxuyaniya nivîskî ya Ofîsa Çapemeniyê ya Serokwezîrtiyê de hat diyarkirin ku Netanyahu bi Wezîrê Parastinê Yisrael Katz, Sererkanê Sererkaniyê Herzî Halewî û Serokê Ajansa Îstixbarata Navxweyî ya Îsraîlê Şîn-Bet (Şebak) Ronen Bar re bû.
Netanyahu di hevdîtina bi leşkerên Îsraîlî yên li herêmê re, di daxuyaniya xwe de diyar kir ku piştî operasyon bi dawî bibin, Hamas wê Xezzeyê birêve nebe.
Di vîdeoya ku ji Buroya Çapemeniyê hat parvekirin de kêliyên ku rewşa dawî ya Xezzeyê nîşan didin jî cih girtin.
Korîdora Netzarimê têkiliya di navbera bakur û başûrê Xezzeyê de derbas kiriye.
