DEMê li ser desteserkirina Îmamoglû bertek nîşan da!
PeyamaKurd – Têkildarî desteserkirina Şaredarê Bajarê Mezin ê Stenbolê Ekrem Îmamoglû ji aliyê Hevserokên Giştî yên DEM'ê Tuncer Bakirhan û Tulay Hatîmogullari ve daxuyaniyek hat dayîn.
Hevserokên Giştî yên DEM’ê daxuyanî dan û bertek nîşanî binçavkirinê dan. Hevserokê Giştî yê DEM'ê Tuncer Bakirhan jî got, "Em vê bêhiqûqiya li dijî vîna gel tê kirin, red dikin û bi tundî şermezar dikin. Divê demildest ev rêya şaş ji paş ve bê vegerandin û rêz li vîna gel bê girtin."
Bakirhan: Em vê bêhiqûqiyê red dikin
Hevserokê Giştî yê DEMê Tuncer Bakirhan li ser hesabê xwe yê medyaya civakî têkildarî mijarê ev agahî da:
"Operasyona ku li dijî Şaredarê Bajarê Mezin ê Stenbolê Birêz Ekrem Îmamoglu û gelek kesên ku di nav wan de şaredar, rojnamevan û siyasetmedar jî hene, êrîşeke eşkere ya li dijî demokrasî û îradeya gel e. Em vê bêhiqûqiya li dijî vîna gel red dikin û bi tundî şermezar dikin. Divê demildest ev rêya xelet ji raya giştî were vegerandin û rêz li vîna gel bê girtin.
Weke Partiya DEMê em ê li dijî her cure zextên li ser siyaseta demokratîk bisekinin. Em diyar dikin ku em li gel gelê Stenbolê û hemû kesên ji bo demokrasiyê li Tirkiyeyê têdikoşin in û dixwazin Ekrem Îmamoglû û hemû kesên hatine desteserkirin tavilê bên berdan."
Hatimogulları: Operasyoneke siyasî ye
Hatîmogullari derbarê desteserkirina Şaredarê Bajarê Mezin ê Stenbolê Ekrem Îmamoglû de jî got, "Ev operasyon operasyoneke siyasî ye ku sînorên hiqûqê nas nake. Ji bo sindoq, deng û meqamên li Tirkiyeyê tengezarî û polarbûna civakî digihîne asteke ku nayê vegerandin."
Têkildarî mijarê Tûlay Hatîmogûllarî ev daxuyanî da:
“Nayê qebûlkirin ku di serdegirtina malan de di saetên serê sibê de Şaredarê Bajarê Mezin ê Stenbolê Ekrem Îmamoglu, şaredarên navçeyan û rojnameger jî di nav de bi dehan kes hatin desteserkirin. Em bi şertên herî xurt red dikin. Ev operasyon operasyoneke siyasî ye ku sînorên hiqûqê nas nake.
Ji bo xatirê sindoq, deng û meqamên li Tirkiyeyê tengezarî û polarbûna civakî bigihînin asteke ku nayê vegerandin. Desteserkirina şaredarê bajarê herî mezin ê vî welatî di serdegirtina sibê ya bi kûpên siyasî re şermek e ku bi sed salan nayê jibîrkirin."
