Mansur Yavaş: Serokê me Ekrem ne bi tenê ye!
PeyamaKurd – Şaredarê Bajarê Mezin ê Enqereyê (ABB) Mansur Yavaş jî di derbarê desteserkirina Ekrem Îmamoglu de daxuyanî da.
Mansur Yavaş got ku "Divê were zanîn, ti destwerdaneke li dijî vîna gel wê bêbersiv nemîne. Ji van pêkanînên ku bi rêbazên derqanûnî, zext û gefan tên kirin, wê zirara herî mezin bide demokrasiya me. Lê belê em ê bêdeng nemînin."
Yavaş ev daxuyanî da:
"Her kesê ku li vî welatî hiqûq, demokrasî û vîna gel diparêze, bila bizane ku ev hewldanên li dijî şaredarekî hilbijartî ti carî nayê qebûlkirin. Betalkirina dîplomayê ya doh, îro serê sibê girtina polîsan û tîmên wan ên li ber avahiya Şaredarê me Ekrem kom bûn...
Ev wêne ne li gorî dewleteke hiqûqê ye. Her çendî sedema desteserkirinê ne diyar be jî; Îro girtina qeyûmê ku berê çûbû edliyeyê û îfade dabû, bi lez û bez çi nîşan dide? Ger hûn bi rastî li edaletê digerin, divê hûn pêşî li prensîbên bingehîn ên qanûnê bişopînin. Divê were zanîn ku tu destwerdanek li dijî vîna gel bê bersiv namîne. Demokrasiya me wê zirara herî mezin ji van pêkanînên bi rêbazên derqanûnî, zext û gefxwarinê bibîne. Lê em ê bêdeng nemînin!
Û bila kes ji bîr neke: Serokê me Ekrem ne bi tenê ye!”
