Netanyahu: Ji bo vegerandina girtiyan em danûstandinên tund dikin
PeyamaKurd – Serokwezîrê Îsraîlê Benjamin Netanyahu ragihand ku ew ji bo vegerandina girtiyên Îsraîlî "muzakereyên berfireh" dikin.
Piştî ku Hamasê ragihand ku ew pêşniyara nû ya agirbestê û pevguhertina girtiyan ji aliyê navbeynkaran ve hatiye pêşkêşkirin, Ofîsa Serokwezîrê Îsraîlê daxuyaniyek da.
Li gorî daxuyaniya rojnameya Maariv, Netanyahu li ser telefonê bi dayikên 3 girtiyên li Xezzeyê re axivî û da zanîn ku ji bo vegerandina leşkeran niha muzakereyên giran didomin.
Netanyahu got ku ew ê "hemû girtiyan, çi sax be, çi mirî, vegerînin."
Hamasê di daxuyaniya xwe ya berê de diyar kiribû ku pêşnûmeya navbeynkaran tê lêkolînkirin û piştî şêwirên pêwîst wê di zûtirîn demê de bersiv bê dayîn.
Samî Ebû Zuhrî, yek ji rêberên Hamasê, derbarê pêşniyara navbeynkaran a ji bo bêçekkirina berxwedanê de ji televîzyona El Cezîre re got: "Çekên berxwedanê xeta me ya sor milyon qatî ye û guh nedin wan, dev jê berdin."
