Trump: "Îsraîlê şertên pêwîst ji bo agirbesta li Xezzeyê qebûl kiriye"
PeyamaKurd – Serok Donald Trump ragihand ku Îsraîlê şertên pêwîst ji bo agirbesta 60 rojî li Xezzeyê qebûl kiriye.
Trump di postek li ser platforma Truth Social de ragihand ku nûnerên wî civînek "dirêj û berhemdar" bi rayedarên Îsraîlî re kirine.
Trump behsa hewldanên ku ji bo bidestxistina agirbestek li Xezzeyê hatine kirin kir û got, "Îsraîlê şertên pêwîst ji bo encamdana agirbesta 60 rojî qebûl kiriye. Di vê heyamê de, em ê bi hemî aliyan re bixebitin da ku şer biqedînin."
Trump ragihand ku Qeter û Misir, ku di danûstandinên agirbestê de navbeynkarî kirine, wê "pêşniyarek dawîn" pêşkêşî Hamasê bikin.
Trump got, "Ji bo qenciya Rojhilata Navîn, ez hêvî dikim ku Hamas vê peymanê qebûl bike. Ji ber ku ew ê ne çêtir be, ew ê tenê xerabtir be."
