Zelenskî: Armanca Rûsyayê taloqkirina dorpêçên Amerîkayê ye
PeyamaKurd – Serokkomarê Ûkraynayê Volodomîr Zelenskî di daxuyaniyekê de ragihand ku Rûsya bi armanca razîkirina Serokê Dewletên Yekbûyî yên Amerîkayê Donald Trump û taloqkirina dorpêçên nû yên li ser dagirkeriya Ûkraynayê, bi awayekî xapînok nêzî danûstandinên aştiyê dibe. Zelenskî, di dema serdana xwe ya li Sîigapûrê de, di çarçoveya Forûma Ewlekariyê ya Şangrî-Layê de ev yek anî ziman.
Li gorî Zelenskî, Rûsya van danûstandinan, ku bi navbeynkariya Tirkiyeyê têne plankirin, bi tenê ji bo qezenckirina demê û kêmkirina zextên navneteweyî bi kar tîne. Wî diyar kir ku Moskow bi awayekî “xapînok” tevdigere û armanca wê ya rastîn ne aştiyek domdar e, lê kêmkirina bandora cezayên navneteweyî ye.
Serokkomarê Ûkraynayê bang li civaka navneteweyî kir ku piştgiriya xwe ya ji bo Ûkraynayê xurt bike û tekez kir ku cezayên hişk li dijî Rûsyayê divê berdewam bikin.
Wî herweha diyar kir ku “Ew naxwazin bibin qurbaniyên lîstikên siyasî yên Rûsyayê.”
Ev nivîs 77 car hatiye xwendin.
