670 penaberên din ên Iraqî ji Kampa Holê hatin derxistin

PeyamaKurd - Rêveberiya Kampa Holê ragihand ku koma 7an a penaberên Iraqî yên ku dixwazin vegerin, ber bi Iraqê ve hatine şandin.

Li gorî agahiyan, koma 7an a ji Kampa Holê derketiye ji 198 malbatan û 670 penaberên Iraqî pêk tê. 

Hêjayî gotinê ye, vegera penaberan di çarçoveya hevahengiya di navbera Rêveberiya Xweser û Hikûmeta Iraqê de pêk tê ku ji destpêka îsal ve 7 kom û ji sala 2022yan ve 24 komên penaberên Iraqî yên li Kampa Holê hatine şandin.

Desthilata Iraqê penaberên ji Holê vedigerin, vediguhêze kampa Cedîa ya li parêzgeha Nînovayê.

Ev nivîs 52 car hatiye xwendin.