Kolber News: Di 2024an de 345 kolberên Kurd bûne qurbanîyên hêzên Îranê

PeyamaKurd - Malpera Kolber News, amarên 2024an ên kuştin, birîndarkirin û mirina ji ber mercên xwezayî ya kolberên Kurd eşkere kir.

 Kolber Newsê diyar kir, di sala 2024an de 345 kolberên Kurd bûne qurbaniyên gulebarana hêzên rejîma Îranê ku 59 kolber hatine kuştin û 287 jî birîndar bûne.

Herwiha ji 59 kolberên hatine kuştin yên temenê wan di bin 22 saliyê jî hebûn û yek ji wan jî ji sermayê jiyana xwe ji dest daye.

Kolber Newsê da zanîn, kolberên Kurd li deverên sînorî yên parêzgehên Ûrmiye, Sine û Kirmanşanê bi gulebarana raste rast ya hêzên rejîma Îranê, ji serma, ji ber sedema ketina ji zinar û cihên bilind, bi pêlkirina mayînan û bûyerên weke van jiyana xwe ji dest dane û birîndar bûne.

Ev nivîs 78 car hatiye xwendin.