PDK baregeha xwe ya li Kerkûkê car din vekir
PeyamaKurd – Baregeha PDKê ya Kerkûk-Germiyane di 16ê Cotmeha sala 2017an de hatibû girtin û piştî 8 salan car din bi merasimekî vekir. Di merasimê de sekreterê PDKê Fazil Mîranî, cîgirê serokê parlementoya Iraqê Şaxewan Abdullah û gelek rayedarên PDKê amade bûn. Berpirsê buroya PDKê ya Kerkûk-Germiyanê Hiwa Ahmed di axaftina xwe de got:
“Piştî 8 salan dema em dageriyan Kerkûkê, di vê pevajoyê de li Rojhilata Navîn gelek guherîn çêbûn. Dibe ev guherîn dewam bikin û rewşa heyî gelek hesase.
Divê em li Kerkûkê ji her carê bêhtir bibin yek, çareseriya pirsigirêkên berê û yên îro ew e ku em li dora destûrekî hevpar bicivin. PDK ne perçeyekî ji pirsigrêken Kerkûkê ye lê lehengê çareseriyêye. Em ne dijminê ti kesîne. Em bo xizmeta xelkê hatin vê derê û em ê bi hevkarî çareser bikin.”
Di merasimê de sekreterê PDKê Fazil Mîranî got ku PDK ti carê terka Kerkûkê nekiriye, belkî em bi bedena xwe li vê derê nîn bûn lê baweriya bi rêbaza Barzanî û baweriya bi doza Kurdî her wext li vî bajarê hebû û her roj bêhtir xwurt bû. Mîranî bangî terefên Kurd kir û got:
“Divê em ne tenê bi çavên xwe lê biçavên xelkê li xwe binêrin û kêmasiyên xwe di vê nêrînê de temam bikin.”
Buroya PDKê ya li Kerkûkê piştî referandûma serxwebûne ji aliyê hêzên Iraqê de hatibû girtin. Li ser mijarê Mîranî got:
“Eger hinek aktor îro xwe xwurt dibînin, ew ji qeslbûna Kurda ye. Eger xwurt bûna, wê nikaribûna hevkariyên borî û destûrê bê vate bikirina. Dagera me remzî nîne. Em dageriyan ji ber em dixwazin bibin perçeyekî ji çareseriyê. Bo parastina mafê Kurdan em li vê derê ne.”
Mîranî got ku karê ewilî ew e ku ew parlementoya Kurdistanê bi rê bixin û hukumeta Kurdistanê ava bikin û tenê dikarin hêza netewî bidin hev da karibin li ciyekî wekî Kerkûkê yê stratejÎk bibin bi bandor.
Ev nivîs 41 car hatiye xwendin.
