Piştî peyama Ocalan PKKê daxuyaniyeke nû li ser danîna çekan da
PeyamaKurd – PKKê ragihand ku merasîma danîna çekan wê roja Înê 11ê Tîrmehê, di navbera saet 8:00 û 9:00ê sibê de were lidarxistin û ji bo beşdarbûnê ne hewce ye ku pêşwext qeydkirin hebe.
KCKê, rêxistina sîwanî ya PKKê, derbarê merasîma danîna çekan a ku dê li ser banga Rêberê Gelê Kurd Abdullah Ocalan were lidarxistin de daxuyaniyek weşand.
"Cihê bûyerê nayê eşkerekirin."
Di daxuyaniya ku agahî tê de hebû, merasîm wê roja Înê, 11ê Tîrmehê, di navbera saet 8:00 û 9:00ê sibê de pêk were, wiha hat gotin, "Cihê merasîmê ji raya giştî re nayê eşkerekirin. Lêbelê, otobus hatine amadekirin û hemî beşdar wê ber bi cihekî nêzîkî merasîmê ve werin veguhastin."
Ji bo vê sedemê, divê kesên ku beşdarî merasîmê bibin li Otêla Aşûr a li navçeya Dukan a Silêmaniyê amade bin.”
"Merasîm wê li ser ekrana mezin were weşandin"
Di daxuyaniyê de herwiha ev tişt hatin gotin:
Ji bo beşdarbûna merasîmê qeydkirina pêşwext ne hewce ye. Lêbelê, ji beşdaran tê xwestin ku kartên çapemeniyê yên taybet an belgeyên nasnameyê bi xwe re bînin û xwe nîşan bidin.
Merasîm wê li ser ekrana mezin were weşandin. Herwiha beşdarvan wê bikaribin vîdyo û deng ji merasîmê tomar bikin. Elektrîk wê bê dayîn.
Ji ber sedemên ewlehiyê, hevdîtin bi endamên koma bêçek re nayên destûrkirin, lê axaftin bi çavdêran re gengaz e.
