Serok Barzanî pêşwaziya Konsulusê Giştî yê Misirê kir

PeyamaKurd – Serok Mesûd Barzanî, îro li Pîrmamê pêşwaziya Konsulê Giştî yê Misirê Mehmûd Farûq Yûsif Amer kir û di hevdîtinê de bûyerên dawî yên siyasî û pêwendiyên dualî gotûbêj kirin.

Di hevdîtinê de Konsulê Giştî yê Misirê pîrozbahî li Serok Barzanî kir ji bo serkeftina hilbijartinên parlamentoya Kurdistanê û amaje bi rêjeya beşdariya bilind a dengderan û pêvajoya aştiyane ya hilbijartinan kir wekî destkeftiyên girîng in ku nîşana gihîştina siyasî û pêgeheke berbilind a li Kurdistanê, Iraq û herêmê ye.

Di berdewamiya axaftinên xwe de, Konsolê Giştî yê Misirê, kultura bihevrejiyan û aştîxwazane ya Kurdistanê bilind nirxand û rola dîrokî ya Serok Barzanî jî di parastin û kûrkirina wan nirxan de zanî.

Serok Barzanî pêwendiya navbera gelê Kurd û Misirê bi têkiliyên dîrokî, dostane û bi bandor wesif kir. Her wiha bal kişand ser girîngiya xurtkirina çanda jiyana hevbeş û aştiyane weke “yekane rêya bidawîkirina êş û azarên gelên herêmê” û bal kişand ser dîroka têkoşîn û fedakariya gelê kurd.

Di hevdîtinê de rewşa siyasiya Iraqê, peywendiyên Herêma Kurdistanê û Hikûmeta Federal û serdana vê dawiyê ya serokwezîrê Iraqê bo Kurdistanê jî hat nirxandin ku wek gaveke girîng ji bo hemahengî û çareserkirina pirsgirêkan di navbera Hewlêr û Bexdayê de hat nirxandin.

Misir bi rêya konsulxaneya xwe ya li Hewlêrê pêwendiyên xwe yên dîplomatîk hem bi Iraq û hem jî bi Herêma Kurdistanê re heye.

Pêwendiya di navbera Misir û Kurdistanê de di dîrokê de erênî bûye û Misir roleke avaker di piştevanîkirina aramiya Iraqê de dilîze. Dema vê hevdîtinê bi taybetî piştî hilbijartinên parlamentoya Kurdistanê û di nava gotûbêjên berdewam ên derbarê peywendiyên kurd û ereban li Iraqê girîng e.

Amadebûn û têbîniyên wî dîplomatên misrî yên derbarê hilbijartinan de, dilgiraniya civaka navdewletî ji pêvajoya demokratî û aramiya herêmê yên Kurdistanê re nîşan dide.

Ev nivîs 35 car hatiye xwendin.