Serokwezîr Barzanî û Davutoglu pêwendiyên Tirkiye û Herêma Kurdistanê gotûbêj kirin
PeyamaKurd – Serokwezîr Mesrûr Barzanî bi Serokwezîrê berê yê Tirkiyê û Serokê Partiya Pêşerojê Ahmet Davutoglu re li ser pêwîstiya bihêzkirina peywendiyên dualî di warên cuda de gotûbêj kir.
Îro Yekşemê 24.11.2024 Mesrûr Barzanî pêşwaziya Serokwezîrê berê yê Tirkiyê û Serokê Partiya Pêşerojê Davutoglu kir.
Di civînê de ku Konsulê Giştî yê Tirkiyê li Hewlêrê Erman Topçu jî tê de amade bû, geşepêdana peywendiyên navbera Tirkiye û Herêma Kurdistanê û rewşa giştî ya Iraq û navçeyê hatin nirxandin.
Davutoglu işaret bi helwesta girîng a Herêma Kurdistanê kir û diyar kir ku divê têkiliyên Tirkiyeyê bi Herêma Kurdistanê re bên xurtkirin.
Mesrûr Barzanî herwiha daxwaza Herêma Kurdistanê ji bo pêşxistina peywendiyên ligel Tirkiyê di warên cuda de dûpat kir.
Ev nivîs 20 car hatiye xwendin.
