Şewatên Sûriyê 3 rojin didomin: Ji Rojava agirkuj têne şandin
PeyamaKurd- Hate ragihandin ku şewatên li daristanên çiyayên di navbera Laziqiyê û Hema ya Sûriyê de 3 rojin hîn nehatine vemirandin. Rêveberiya Rojava jî biryar da ku tîmên agirkujiyê bo piştevaniya vemirandina şewatan bişîne peravên Sûriyê.
Hate diyarkirin ku ji ber erdnîgariya dijwar û tengbûna rêyan zehmetî di vemirandina agir de derdikevin.
Şewata ku ev 3 rojin berdewam dike, herêmên Eyn El Kirûm, Tahûnet El Helawa, Ebû Kilîfon ên gundewarên Hemayê û gundên Enab heya daristanên Şethayê dane ber xwe.
Li herêma Nebîn û Şecera yên gundewarên Laziqiyê jî şewat metirsîyê li ser daristanên Kefreya û Broma yên Cebel El Ekrad dikin.
Hate diyarkirin, ji ber bayê dijwar, bilindbûna pileyên germahiyê, erdnîgariya dijwar û bermahiyên şer xwegihandina cihên şewatan zehmet e.
Ev nivîs 114 car hatiye xwendin.
