YNKyê êrîşên li dijî zeviyên petrolê şermezar kir

PeyamaKurd – Yekîtiya Nîştimanperwerên Kurdistanê (YNK) li hember êrîşên dawî yên balafirên bêmirov yên li ser Herêma Kurdistanê bertek nîşan da û bang li hikûmeta Iraqê kir ku pêşî li van êrîşan bigire.

Nivîsgeha Çapemenî û Ragihandinê ya Yekîtiya Nîştimanperwerên  Kurdistanê (YNK) daxuyaniyek weşand û diyar kir ku YNK ji bo çareserkirina krîza mûçeyên karmendên Herêma Kurdistanê û çareserkirina nakokiyên di navbera Hewlêr û Bexdayê de, hewlên xwe yên siyasî û dîplomatîk didomîne.

Di daxuyaniyê de tekez kir ku ew bi berpirsiyariyeke mezin tevdigere da ku di vê pêvajoyê de rê li ber zêdebûna alozî û nakokiyan bigire.

Lêbelê, tevî van hemû hewldanan, daxuyaniyê destnîşan kir ku ji hefteyekê zêdetir e gelek êrîşên bêmirov ên li pey hev li zeviyên petrolê yên cuda yên Herêma Kurdistanê hatine kirin ku ewlehiya navxweyî ya Iraqê û aramiya Kurdistanê tehdît dikin.

YNKyê tekez kir ku êrîşên bi vî rengî gefên cidî li ser yekparçeyiya axa welêt, ewlehiya gelê wê û bi taybetî jî çavkaniyên wê yên aborî dixwin û ev daxuyanî da:

”Divê hikûmeta Iraqê li dijî van êrîşan xetên zelal xêz bike. Li gorî serweriya dewletê û desthilata destûrî, parastina erd, gel û çavkaniyên xwezayî yên Iraq û Kurdistanê berpirsiyariya wê ya sereke ye.”

Di daxuyaniyê de her weha hişyarî hat dayîn ku kiryarên bi vî rengî dikarin gumanan li ser hêzên ewlehiyê yên Iraqê zêde bikin û fikaran li ser rewşa ewlehiyê ya giştî ya Kurdistanê durist bikin.

YNKyê êrîş şermezar kir û bang li hikûmet û parlementoya Iraqê kir:

“Divê berpirsiyarî were wergirtin da ku pêşî li nearamiyên ewlehiyê û aloziyên siyasî yên nû were girtin; xeta germ a têkiliyê di nav pêvajoya diyaloga neteweyî ya welatê me de nayê sarkirin. Armanca me çareserkirina krîzan, zêdekirina baweriyê û avakirina biratiyeke xurttir û jiyaneke hevbeş e di navbera gelên Iraqê de ye.”

Ev nivîs 90 car hatiye xwendin.