پەیامی کورد   ...   مەسروور بارزانی پیرۆزبایی لە سەرۆکوەزیرانی نوێی کەنەدا کرد

سەرۆکی حکوومەتی ھەرێمی کوردستان پەیامێکی پیرۆزبایی ئاراستەی سەرۆکوەزیرانی نوێی کەنەدا کرد.

سێشەممە ٢٩-٤-٢٠٢٥، مەسروور بارزانی، سەرۆکی حکوومەتی ھەرێمی کوردستان لە ھەژماری فەرمی خۆی لە تۆڕی کۆمەڵایەتی (ئێکس) بڵاوی کردووەتەوە: "پیرۆزبایی لە مارک کارنی دەکەم بەبۆنەی ھەڵبژاردنی وەک سەرۆکوەزیرانی کەنەدا."

سەرۆکی حکوومەت دەشڵێت: "چاومان لەوەیە کە لە سایەی سەرکردایەتیتان دا، پەرە بە ھاوبەشی و پەیوەندییە پتەوەکانی نێوان گەلەکانمان بدەین، پابەندیی‌ کەنەدا بە سەقامگیری جیھانی جێگەی بایەخی زۆری ئێمەیە."