Ermenistan ji bo ku zêdetir obusan jê bikire, li gel Hindistanê danûstandinan dike

PeyamaKurd – Hate ragihandin ku Ermenistan ji bo ji Hindistanê 78 Pergalên Çekdarên Topavêj ên Pêşketî (ATAGS) bikire, pê re danûstandinan dike.

Ermenistanê di tebaxa 2023yan de 6 ji obusên 155 mm/52 yên bi kalibera 155 mm/52 kêşan ji Bharat Forger Ltd. kirîne û ew çek dawiya sala 2023yan hatine radestkirin.

Ajansa Hindî ya Lêkolînên Parastinê dinivîse ku koma destpêkê ya 6 obusan li seranserê herêmên cuda yên Ermenistanê di ceribandinên berfireh re derbas bûne û pêbawer û rast hatine pêşwazîkirin.

Heman çavkaniyê nivîsiye ku Hindistan bûye dabînkera sereke ya alavên parastinê ji bo Ermenistanê û destnîşan kiriye ku di sala 2020î de Ermenistanê 4 pergalên radarê yên Swathi yên mobîl ji Hindistanê kirîne û di îlona 2022yan de jî peymanek ji bo kirîna pergalên roketî yên Pinaka, antî-tank îmze kiriye ku bihayê wan li derdora 245 milyon dolarî ye.

Di 14ê mijdara 2023yan de, Hindistan Aerospace Defense News ( IADN ) ragihandiye ku Munitions India Limited dê 150 hezar bombeyên 30 mm û 40 mm radestî Ermenistanê bike û gotiye ku 2 meh berê wê pargîdaniyê bi qasî 5 milyon guleyên çekên 7,62 mm radestî Ermenistanê kirine.

Di 7ê mijdara 2023yan de, EurAsian Times ragihandiy ku Ermenistanê bi pargîdaniya Hindî Zen Technologies re peymaneke peydakirina pergalên dijî dronan, a bi bihayê 41,5 milyon dolarî îmze kiriye.

Ev nivîs 28 car hatiye xwendin.