Hakan Fîdan: Rûsya û Ukrayna wê careke din hevdîtinan bikin
PeyamaKurd – Wezîrê Derve yê Tirkiyê Hakan Fîdan, dema ku lûtkeya Rûsya-Ukraynayê ya li Stenbolê nirxand, diyar kir ku şande wê dîsa bicivin. Fîdan got, ew amade ne ku mazûvaniya civîna Trump-Putin-Zelensky jî bikin.
Wezîrê Derve yê Tirkiyê Hakan Fîdan di bernameyeke ku beşdarî TRT News bû de bersiva pirsên li ser mijarên rojane da.
Fîdan di nirxandina lûtkeya Rûsya-Ukraynayê ya li Stenbolê de got, "Ji roja yekem ve em ji bo aştiyê hewl didin. Em hewl didin ku şer rawestînin. Em naxwazin li herêma me şer hebe. Me di civîna 2ê Hezîranê de bi aliyan re li ser lûtkeya serokan jî nîqaş kir. Di civînê de alî li ser gelek mijaran li hev kirin. Hêviya me ew e ku gera din hebe."
Fîdan ku îhtîmala hevdîtina Trump, Putin û Zelensky li Stenbolê nirxand, got, "Pir girîng e ku Putin, Trump û Zelensky werin ba hev. Ji bilî Serokomar Erdogan, navekî din tune ku her sê rêber di heman demê de baweriya xwe pê bînin. Dema ku em li ser vê mijarê diaxivin, Serokomarê me amade ye ku mazûvaniyê bike. Dema ku rêber dicivin, divê tiştek berê were biryardan."
