Koreya Başûr - Hejmara miriyên şewata daristanan zêde bû
PeyamaKurd – Hat ragihandin hejmara miriyên şewata daristanan a ku li başûrê rojhilatê Koreya Başûr dest pê kir û zêdetirî 15 hezar hektar erd şewitî derket 15an.
Li gorî nûçeya Yonhapê, rayedaran têkildarî şewata daristanan a ku li welat zêdetirî 15 hezar hektar erd şewitî, daxuyanî dan.
Hat ragihandin ku di şewata daristanan a ku li başûrrojhilatê welêt dest pê kir de hejmara miriyan derket 15an. Rayedaran diyar kirin ku perestgeheke dîrokî ya li herêma Uiseongê jî di şewatê de hilweşiyaye û tiştên giranbuha yên di hundirê perestgehê de birin herêmên cuda.
Rayedaran ragihandin ku bi hezaran personel bersivê didin agir.
Şewata daristanên Koreya Başûr Hikûmeta Koreya Başûr ji ber şewata daristanan li herêmên başûrê rojhilatê, di nav de bajarê Ulsan û parêzgehên Gyeongsang û Gyeongsang ên Başûr, karesatek neteweyî ragihand.
Di şewata ku di 21ê Adarê de li Sancheongê dest pê kiribû û li derdora bajarê Ulsan jî di nav de belav bûbûn de 15 kes birîndar bûn û zêdeyî 3 hezar û 300 kes jî hatin tehliyekirin.
Hat ragihandin ku li seranserê welêt li 16 cihên cuda şewatên daristanan pêk hatin, hat destnîşankirin ku 15 hezar hektar qada daristanan bûye xwelî.
Di daxuyaniya ku ji aliyê Wezareta Edaletê ve hat dayîn de hat diyarkirin ku gelek girtiyên li girtîgeha Cheongsong sirgûnî girtîgehên ku şewat lê derneketiye hatine kirin.
