STENBOL - Li Metroya Yenîkapiyê şewat derket
PeyamaKurd – Li Stenbolê li rawestgeha metroya Yenîkapiyê şewat derket.
Sedema şewatê hê nayê zanîn.
Li Îstasyona Yenîkapiyê ya xeta metroya Yenîkapî-Hecîosmanê ya Stenbolê ji ber sedemeke ku nayê zanîn dûman rabû. Piştî dûman bilind bû rêwî derxistin derve û îstasyon hat girtin.
Hat ragihandin ku ji ber şewatê seferên ber bi Yenîkapiyê bi awayekî demkî hatine rawestandin.
Di daxuyanîya ku ji aliyê Metro Stenbolê ve derbarê xizmetê de hat dayîn de wiha hat gotin: "Îstasyona Yenîkapiya Xeta Metroya M2 Yenîkapî-Hacıosman demkî hat girtin. Xizmet di navbera îstasyonên Vezneciler-Hacıosman de tên kirin. "Di navbera îstasyonên Yenikapı-Vezneciler de bi otobusên IETT yên bêpere xizmeta sefera rîngê heye."
Ev nivîs 30 car hatiye xwendin.
