Trump ji bo kesên ku alaya Amerîkayê dişewitînin salek cezayê girtîgehê pêşniyar kir
PeyamaKurd – Serokê Amerîkayê Donald Trump di merasîmekê de li Baregeha Fort Bragg a li Karolînaya Bakur, bûyer û rojeva Los Angelesê nîqaş kir.
Trump got ku bûyerên li Los Angelesê nayên qebûlkirin û ew ji bo vegerandina aramiyê tedbîran digire ji ber ku hikûmeta eyaletê "nekar" e.
Trump îdia kir ku piraniya xwepêşanderan "ji bo pereyan" tevlî tundûtûjiyê bûne, got: "Ew bi serbilindî alên welatên din hildigirin, lê ew ala Amerîkî hilnagirin. Ew tenê wê dişewitînin. Divê ew kesên ku ala Amerîkî dişewitînin bi salek zindanê werin cezakirin."
Trump got, eger ew bi hezaran Parêzvanên Neteweyî neşîne Los Angelesê, bajar dê were şewitandin, Waliyê Kalîforniyayê Gavin Newsom wekî "bêkêrhatî" û "nezan" parast.
Trump got, "Tiştê ku em li Kalîforniyayê dibînin, êrîşek li ser aştî, rêziknameya giştî û serweriya neteweyî ye ji aliyê serhildêrên ku alên biyanî li ser wan dixin, da ku dagirkeriya biyanî ya welatê me bidomînin. Em ê rê nedin ku ev yek çêbibe."
Trump bi îdiaya ku gelek koçberên neqanûnî li bajêr hene û divê ev kes bên girtin, got, "Em ê Los Angelesê azad bikin."
Trump diyar kir ku ew ê wekî Fermandarê Giştî yê Dewletên Yekbûyî yên Amerîkayê hemû tedbîrên pêwîst bigire da ku ewlehiya Los Angelesê misoger bike û destnîşan kir ku qanûn di vî warî de berpirsiyariyê dixe ser milê wî.
Trump bi bîr xist ku ew ê di 14ê Hezîranê de li Washingtonê 250emîn salvegera damezrandina artêşa Amerîkî bi merasîmeke mezin pîroz bikin û diyar kir ku ew ê ji niha û pê ve van pîrozbahiyan bidomînin.
Trump herwiha diyar kir, piştî ku wekî Dewletên Yekbûyî yên Amerîkayê ketin Şerê Cîhanê yê Yekem, wan şerê li dijî Almanya û Japonya qezenc kir û got, "Me şer qezenc kir. Eger em nebûna, hûn ê niha hemû bi Almanî biaxiviyana, dibe ku hinekî Japonî jî tevlî bibûya. Lê me şer qezenc kir."
