Trump: Peymana bi Çînê re gelekî dijwar e

PeyamaKurd – Îro, roja Çarşemê, Serokê Dewletên Yekbûyî yê AmerîkayêDonald Trump danûstandinên bazirganî bi Serokê Çînê Xi Jinping re wekî "gelekî dijwar" bi nav kir, di demekê de ku bacên gumrikê yên nû yên %50 li ser hinardekirina pola û alumînyûma Çînî dest pê kirin.

Trump, di postekê de li ser platforma xwe ya Truth Sociaêl, nivîsand: "Min her tim ji Serok Xi hez kiriye û rêzê li wî digirim, lê çêkirina peymaneke bi wî re pir dijwar e," û behsa rageşiyên domdar di têkiliyên bazirganî yên Amerîka-Çînê de kir.

Ev bacên nû, ku Trump wekî parçeyekî ji stratejiya xurtkirina pîşesaziyên navxweyî bi nav kir, armanc dikin ku sektorên pola û alumînyûmê yên Amerîkî biparêzin. Wî diyar kir:

"Ev zêdebûn dê pîşesaziyên me yên pola û alumînyûmê xurtir bikin, û em ê nehêlin ku pêşbaziya neheq aboriya me qels bike."

Wî herwiha îdia kir ku bacên gumrikê aboriya Amerîkî geş dikin.

 

Ev nivîs 98 car hatiye xwendin.