Herêma Kurdistanê û ya Iraqê li ser nûçeyan li hev kirin

PeyamaKurd – Serokwezîrê Herêma Kurdistana Iraqê Mesrûr Barzanî ragihand ku Encûmena Wezîran a Federal peymaneke di navbera Hikûmeta Herêma Kurdistanê û Hikûmeta Federal a Iraqê de pejirandiye.

Ev peyman wekî gaveke giring ji bo çareserkirina pirsgirêkên mûçe û mafên darayî yên Herêma Kurdistanê tê dîtin.

Bi daxuyaniyeke fermî, Mesrûr Barzanî ev gav weke bixêr bi nav kir û hêvî kir ku Hikûmeta Federal mûçe û mafên darayî yên Herêma Kurdistanê dê bişîne, û ev wekî "mafekî rewa yê gelê Kurd" bi nav kir.

Wî spasiyên xwe ji berxwedan û sebira gelê Kurd re diyar kir û tejezî li ser çareserkirina pirsgirêkan a di çarçoveya destûrî û bi rêzgirtina peymanan kir.

Her weha, Mesrûr Barzanî daxwaz kir ku êrîşên li ser Herêma Kurdistanê, bi taybetî yên li ser zeviyên petrolê, bi dawî bibin.

Wî bang li Hikûmeta Federal kir ku êrîşkaran peyda bike û tedbîrên qanûnî ki dijî wan wergire.

 

 

 

Ev nivîs 80 car hatiye xwendin.