Li Meclîsa Mezin a Neteweyî ya Tirkiyeyê nîqaşa bi Kurdî 'Xwedê bela bide we'!
PeyamaKurd – Pêşniyara Qanûna Avhewayê, ku di meha Nîsanê de li Meclîsa Mezin a Tirkiyeyê dest bi nîqaşan kiribû lê hin xalên wê ji aliyê muxalefet û komên civakî ve rastî rexneyan hatibûn, dîsa hate rojeva Parlamentoyê.
Parlamentera Îzmîrê ya Partiya DEMê Burcugul Çubuk piştî ku ji kursiyê derket, li ser xala 5emîn a pêşniyarê bi Kurdî got, "Xwedê bela bide we" (Bila Xwedê ceza bide we).
Cîgira Serokê Meclisa Mezin a Neteweyî ya Tirkiyeyê Pervîn Buldan gotinên Burcugul Çubuk wergerand tirkî.
Cîgira Seroka Koma AK Partiyê Leyla Şahîn Usta diyar kir ku gotinên Çubuk li gorî Meclisê nînin û got, "Me got em ê hewl û hewildanê bikin ku bi zimanekî zelal û bêyî ku heqaretê li kesî bikin biaxivin, lê ev nayê qebûlkirin. Tiştek ji nifirkirina gel ji ser dikê xelettir nîne. Divê parlementera birêz lêborînê bixwaze û ji kerema xwe rê nedin vê yekê."
"Bikaranîna van îfadeyan bi zimanekî ku em fêm nakin nayê qebûlkirin."
Piştre Alîkarê Serokê Koma İYİ Partiyê Turhan Çömez jî bertek nîşanî gotinên Çubuk û wergera Buldan da.
Çömez got, "Bê guman em dikarin hestên xwe bi hevokên dijwar derbibirin, lê di bin vê banî de, em nikarin hestên xwe bi gotinên xirab derbibirin. Ji bo me ne mimkûn e ku em vê yekê qebûl bikin. Wekî din, me bi wergera we fêr bû ku çi cûre tiştek xirab hatiye gotin, Birêz Serok. Ji kerema xwe rê nedin vê yekê. Bikaranîna van îfadeyan nayê qebûlkirin, nemaze bi zimanekî ku em fêm nakin."
Li ser vê yekê, Cîgira Serokê Koma Partiya DEMê Gulistan Kiliç Koçyiğit axivî û bertek nîşanî Çomez da û got, "Ez dixwazim li vir bibêjim ku ez têgeha 'zimanê ku em fêm nakin' qebûl nakim. Her çend xutbevan bi xwe Tirk be jî, ew bi Kurdî axivî û bi Tirkî jî anî ziman. Divê em nîqaş bikin ka tiştê ku li vir hatiye gotin guncav e an na."
"Mebesta min ew kesên ku xwezayê qetil dikin e"
Çubuk, ku ji bo şirovekirina gotinên xwe axivî, got, "Ez dibînim ku ev yek bi awayekî ku ji niyeta min derbas bû, hat fêmkirin. Niyeta min li hember kesên ku xwezayê komkujî kirin bû. Ez difikirim ku ev hêrs xwezayî ye. Min niyeta bikaranîna zimanekî bêedeb li hember ti parlamenterekî tunebû. Fikara min ji vekişandina gotinên xwe tune."
Piştî daxuyaniyan, Cîgira Serokê Parlamentoyê Buldan ji ber nîqaşa devkî ya di navbera parlamenteran de, rûniştin ji bo 10 deqîqeyan taloq kir.
