پەیامی کورد   ...   ئەنجوومەنی وەزیران دوو تەوەری تاوتوێ کرد

چوارشەممە، ٣٠-٠٤-٢٠٢٥، ئەنجوومەنی وەزیرانی ھەرێمی کوردستان بە سەرپەرشتی سەرۆکوەزیران مەسروور بارزانی و ئامادەبوونی قوباد تاڵەبانی، جێگری سەرۆکوەزیران کۆبووەوە. 

لە کۆبوونەوەی ئەمجارەی ئەنجوومەنی وەزیرانی ھەرێمی کوردستان گفتوگۆ لەسەر دوو تەوەری سەرەکی کرا :

تەوەری یەکەم:

خستنەڕووی دواپێشھاتەکانی پەیوەندیدار بە گفتوگۆ و دانووستانەکانی تایبەت بە دەستپێکردنەوەی ھەناردەکردنی نەوتی ھەرێمی کوردستان لەبەر ڕۆشنایی یاسای ھەمواری یەکەمی یاسای بوودجەی گشتی عێراقی فیدراڵ و دەرئەنجامی کۆبوونەوەی نێوان ھەردوو حکوومەتی ھەرێمی کوردستان و حکوومەتی فیدراڵ لە ڕێکەوتی ١٩-٠٤-٢٠٢٥، لە شاری بەغدا و دوا کۆبوونەوەی ھاوبەشی نێوان حکوومەتی ھەرێمی کوردستان و کۆمپانیا نەوتییەکان لە ڕێکەوتی ٢٠-٠٤-٢٠٢٥، بە ئامادەبوونی بریکاری وەزارەتی نەوتی فیدراڵ بۆ بەرھەمھێنان. 

تەوەری دووەم:

خستنەڕووی پێشنیاری ڕەشنووسی بڕیارێکی ئەنجوومەنی وەزیران بۆ ڕێکخستنەوەی دامەزراوەی بەڕێوەبردنی خانەنشینی گشتی لە ھەرێمی کوردستان لەبەر تیشک خستنەسەر یاسای خانەنشینی یەکگرتوو ژمارە (٩)ـی ساڵی ٢٠١٤ و بڕیاری دادگای فیدراڵی لەمبارەیەوە، بە ھۆی بەرفراوانبوونی سنووری دەسەڵات و ئەرک و چالاکییەکانی بەڕێوبەرایەتی گشتی خانەنشینی.

ئەم بابەتە 22 جار خوێندراوەتەوە