Taywan | Balafir û keştiyên leşkerî yên Çînê li derdora giravê hatin dîtin
PeyamaKurd – Wezareta Parastinê ya Taywanê ragihand ku li derdora Girava Taywanê 24 balafirên leşkerî yên Çînê û 6 keştî hatine tesbîtkirin.
Di wê daxuyaniyê de ku li ser hesabê Xê yê Wezareta Parastinê ya Taywanê hatiye dayîn, tê diyarkirin ku ji duh êvarê heta danê vê sibehê li derdora giravê 24 balafirên leşkerî hatine dîtin.
Tê diyarkirin ku 21 ji wan ji “xeta navîn” derbas kiriye û ber bi bakur, başûrrojava û başûr ve firiyane ku Taywanê ew der wekî “Herêma Parastina Hewayî” îlan kiriye.
Di daxuyaniyê de her weha hatiye gotin ku li derdora giravê 6 keştiyên şer ên hêzên deryayî yên Çînê hatine tesbîtkirin û tê destnîşankirin ku artêşa Taywanê çavdêriya rewşê kiriye û bersiva pêwîst daye.
Ev nivîs 35 car hatiye xwendin.
