Ceza li hevşaredarê Dêrsimê hat birîn

PeyamaKurd – 6 sal cezayê girtîgehê li Hevşaredarê Dêrsimê Cevdet Konak û Şaredarê Pulûrê Mustafa Sarigul hat birîn.

Danişîna biryarê ya doza ku bi îdiaya “endamtiya rêxistinê” der barê Hevserokê Şaredariya Dêrsimê Cevdet Konak de hatibû vekirin, li Dadgeha Cezayê Giran a Dêrsimê hat dîtin. Nûnerên partiyên siyasî beşdarî danişînê bûn. Parêzeran di danişînê de ji bo miwekîlên xwe beraat xwestin.

Dadgehê 6 sal û 3 meh cezayê girtîgehê li Cevdet Konak birî.

Şaredarê navçeya Pulûrê (Ovacikê) Dêrsimê Mustafa Sarigul jî ku di çarçoveya heman dosyayê de dihat darizandin, bi îdiaya “endamtiya rêxistinê 6 sal û 3 meh” cezayê girtîgehê li wî jî hat birîn.

Hat diyarkirin ku der barê ceza de ku hatiye dayîn dê li ber şaredariya Dêrsimê daxuyanî bê dayîn.

Ev nivîs 30 car hatiye xwendin.