Nêçîrvan Barzanî sersala 240em a damezrandina Silêmaniyê pîroz kir
PeyamaKurd – Serokê Herêma Kurdistanê Nêçîrvan Barzanî, ji hesabê xwe yê Xê, bi peyamekê sersala 240em a damezrandina bajarê Silêmaniyê pîroz kir.
Nêçîrvan Barzanî di daxuyaniya xwe de ji şêniyên bajarê Silêmaniyê re serkeftin xwest û got, “Ez bi germî 240 saliya damezrandina bajarê Silêmaniyê, paytexta rewşenbîriyê, bajarê wêje û hunerê, bajarê kampanya û qurbanîdanê, li hemû gelê xwe pîroz dikim.”
Serokê Herêma Kurdistanê bal kêşa ser rola bajarê Silêmaniyê ya di dîroka çandî û siyasî ya gelê kurd de û derbirî: “Silêmanî, navekî diyar û bibandor e û hertim cihê rêz û şanaziya gelê kurd bûye.”
Di heman peyamê de anî zimên, “Hêviya geşepêdan û bexteweriyê, pêşkeftinên zêdetir, aştî û aramiyê ji bo Silêmaniyê û hemû bajar û navçeyên Kurdistanê dixwazim.”
Ev nivîs 31 car hatiye xwendin.
