Serok Barzanî cejna Kurdên Kakeyî pîroz kir
PeyamaKurd – Serok Mesûd Barzanî bi helkefta Cejna Qewiltasê li gelê Kurdistanê pîroz kir.
Serok Barzanî di peyama xwe de ragihand, bi minasebeta hatina Cejna Qewiltasê pîrozbahiyê li hemû birayên me yên Kakeyî yên li Kurdistanê dikim.
Mesûd Barzanî di berdewamiya peyama xwe de wiha got:
Hêvîdarim hemû pêkhateyên Kurdistanê bi taybet birayên min ên Kakeyî cejnên xwe bi aramî û xweşî pîroz bikin.
Qewiltas ku bi navê Sê Şevên Yars jî tê binavkirin, her sal ji aliyê Kurdên Kakeyî ve tê pîrozkirin.
Kakeyî ku bi navê Yarsan û Ehlî Hak jî tên naskirin, li Kirmaşanê ya Rojhilatê Kurdistanê û piranî jî li herêmên Germiyan ên Herêma Kurdistanê dijîn.
