Amerîka li Iraqê li dijî komên alîgirê Îranê gaveke nû davêje
PeyamaKurd – Komîteya Xizmetên Çekdarî ya Meclisa Nûneran guhertineke Meclisa Nûneran pejirand ku dê rê li ber komên çekdar ên Iraqî yên alîgirê Îranê bigire, da ku negihîjin fînansmana Amerîkî. Guhertoya ku ji hêla Kongresmenê Komarî Joe Wilson ve hatî pêşkêş kirin, bi taybetî saziyên ku ji hêla Îranê ve têne destekkirin ên mîna Heşdî Şebî hedef digire.
Komîteya Xizmetên Çekdarî ya Meclisa Nûneran pêşniyara guhertineke giring a Qanûna Xercên Parastina Neteweyî pejirand, ku armanc dike pêşî li fînansekirina nerasterast a komên çekdar ên pro-Îranî ji budceya Dewletên Yekbûyî yên Amerîkayê bigire.
Pêşniyara ku ji aliyê Nûnerê Komarî Joe Wilson ve hatiye pêşkêşkirin, bi taybetî komên li Iraqê yên ku ji aliyê Îranê ve tên destekkirin, wek Heşdî Şebî, hedef digire. Wilson got ku ev gav beşek ji stratejiyeke berfirehtir e ji bo sînordarkirina bandora Îranê li Iraqê.
Piştî dengdanê, Wilson li ser hesabê xwe yê medyaya civakî peyama "Iraqê ji Îranê rizgar bikin" bi par ve kir.
Ev nivîs 111 car hatiye xwendin.
