Hevdîtina di navbera DYA û Îranê de bi dawî bû
PeyamaKurd – Hevdîtina di navbera heyetên Îranê û Amerîka de, tûra yekem li Ummanê bi dawî hat. Heyeta Îranê bi serpereştiya wezîrê karên derve Abbas Arakçi û heyeta DYAyê bi serpereştiya nûnerê DYAyê yê taybet yê Rojhilata Navîn Steve Witkoff tevî hevdîtinê bûn.
Medya Îranê ragihand ku hevdîtin di erênî derbas bûye û wê hetfa pêşiya me de hevdîtin dewam bikin. Li ser mijarê berdevkê wezareta karên derve yê Îranê İsmail Bekayi, di ser hesabê xwe yê medya civakî de got:
“Hevdîtinên bi serpereştiya wezîrê karên derve yê Îranê Abbas Arakçi û nûnerê taybet yê DYAyê Steve Witkoff de, bi navbeynkariya wezîrê karên derve yê Ummanê Bedr el-Busaidi de destpêkirin. Tûra yekem qediya û wê hefteya pêşiya me de tûra duyem destpêbike.”
Çapemeniya Îranê bo hevdîtinê got ku hevdîtin bi rêzdarî û di atmosferekî baş de derbas bûye.
Ev nivîs 45 car hatiye xwendin.
