Li Tirkiyeyê ji ber şewatên daristanan 27 kes hatin girtin

PeyamaKurd – Wezîrê Karên Navxweyî yê Tirkiyê Alî Yerlîkaya ragihand ku bajarên Bilecik û Îzmîrê, ku şewatên daristanan lê qewimîne, wekî "Herêmên Karesatê yên ku Bandorê li Jiyana Giştî Dikin" hatine ragihandin.

Di navbera 27ê Hezîranê û 24ê Tîrmehê de, piştî lêkolîna 1,157 avahî û 1,458 beşên serbixwe li 9 wîlayetan, hat tespîtkirin ku 311 xanî, 16 cihên kar û 50 axur wêran bûne an zirar dîtine.

Yerlîkaya diyar kir ku di çarçoveya xebatên cenderme 5 kes û ji aliyê polîsan ve jî 2 kes hatine girtin. Ji bo têkoşîna bi şewatan re, 1,191 personel û 198 wesayîtên AFADê, 8,953 personel û 18 balafirên cendermeyan, 1,675 personel, 3 helîkopter û 129 TOMAyên polîsan, û 237 personelên ewlekariya beravê beşdar bûne.

Welatiyên 120 taxan ji bo ewlehiyê ji bo herêmên ewle hatine veguhastin. Di çarçoveya telafîkirina ziraran de, AFADê 128 milyon û 492 hezar TL, di nav de 76 milyon û 810 hezar TL ji bo 396 malbatan li 7 bajaran, û Wezareta Malbat û Xizmetên Civakî 2 milyon û 85 hezar TL pere daye. Her weha, 85 konteyner li Îzmîr, Bilecik û Sakaryayê hatine bicihkirin.

Di encama şewatan de, 49 serî dewar, 37 serî pez, 171 mirîşk û 4,175 mêşhingiv telef bûne. Wezîrê Karûbarên Navxweyî yê Tirkiyeyê Alî Yerlîkaya di daxuyaniya xwe ya li ser medyaya civakî de bang li welatiyên Tirkiyeyê kir ku di rojên germ ên havînê de ji bo parastina daristanan bêtir hişyar bin.

Ev nivîs 98 car hatiye xwendin.