Li Stenbol û Diyarbekirê operasyona tiryakê: 16 kes hatin desteserkirin
PeyamaKurd – Wezîrê Karên Hundir ê Tirkiyê Alî Yerlîkaya diyar kir ku di operasyonên tiryakê yên ku li Stenbol û Diyarbekirê hatin kirin de 16 kes hatin girtin û hejmareke girîng tiryak û malzemeyên hilberînê hatin bidestxistin.
Wezîr Yerlikaya di daxuyaniya xwe ya li ser medyaya civakî da diyar kir ku di encama xebatên ku ji teref Midûriyeta Polîsan a Stenbolê ve hat kirin de li Başakşehîr û Esenlerê li dijî 2 kargehên tiryakê yên li Başakşehîr û Esenlerê û li dijî rêxistina sûcê organîze ya tiryakê ku serkêşê wê M.Z.U ye operasyon hatin lidarxistin. li Esenyurt, Bagcilar, Bakirkoy, Bayrampaşa, Kartal û Diyarbekirê.
Wezîr Yerlikaya da zanîn ku di operasyonan de 7 milyon û 150 hezar hebên narkotîkê, 2 ton 680 kîlogram madeyên kîmyewî yên ku di çêkirina hebên narkotîkê de tên bikaranîn, 10 kîlo madeya xam û milyonek kapsula hebên narkotîkê yên vala hatin bidestxistin.
Yerlîkaya diyar kir ku 16 şikbarên ku hatin girtin bi îdiaya "Di çarçoveya xebatên rêxistinê de ji bo sûcê rêxistinê ava kirine û maddeyên narkotîkê dikin" sewqî Midûriyeta Şaxa Têkoşîna Sûcên Narkotîk hatin kirin.
