Daxuyaniya Amerîkayê li ser hevdîtinên Îsraîl-Sûriyê li Parîsê
PeyamaKurd - Nûnerê Taybet ê Amerîkayê yê Sûriyeyê Tom Barrack ragihand ku ew li Parîsê bi rayedarên Îsraîl û Sûriyeyê re civiya.
Di daxuyaniyekê de li ser platforma medyaya civakî X, Barrack got, "Ez îşev li Parîsê bi Sûrî û Îsraîliyan re civiyam. Armanca me pêşxistina diyalogê û kêmkirina rageşiyê bû û me tam ev yek bi dest xist."
Barrack diyar kir ku hemî alî "biryardariya xwe ya ji bo berdewamkirina van hewldanan" dubare kirin.
Piştî pevçûnên di navbera Durzî, Bedewî û hêzên hikûmetê de li başûrê Sûriyeyê, Îsraîlê piştgiriya xwe ji bo Durziyan ragihand û êrîşî paytext Şamê û bajarokê Swêdayê kir ku piraniya niştecihên wê Durzî ne.
Amerîka êrîşên Îsraîlê rexne kir û banga agirbestê kir.
