Swîsre beşdarî konferansa ewlehiyê ya li Moskowê dibe
PeyamaKurd – Wezareta Karên Derve ya Swîsreyê ragihand ku Swîsre wê beşdarî konferansa ewlehiyê ya ku di meha Gulanê de li Moskowê tê lidarxistin bibe.
Berdevkê Wezareta Derve ya Swîsreyê Pierre-Alain Elchinger ji Sputnikê re ragihand ku Balyoz Gabriel Lühinger, Serokê Daîreya Ewlekariya Navneteweyî li Wezareta Derve ya Swîsreyê, wê beşdarî konferansa ewlehiyê bibe ku di 27-29ê Gulanê de li Moskowê tê lidarxistin.
Elchinger got, "Balyoz Gabriel Luhinger, Rêvebirê Daîreya Ewlekariya Navneteweyî ya Wezareta Karên Derve, ji bo konferansa ku wê di 27-29ê Gulanê de li Moskowê were lidarxistin hatiye vexwendin û wê beşdar bibe."
Berê, Cîgirê Sekreterê Konseya Ewlehiyê ya Rûsyayê Aleksandr Venediktov ji Sputnikê re ragihand ku Rûsyayê ji bo beşdarbûna foruma ewlehiyê ya ku wê di navbera 27 û 29ê Gulanê de li Moskowê were lidarxistin, vexwendname ji Dewletên Yekbûyî û hin welatên ne dost re şandiye.
