Amadekariyên merasîma bêçekkirina PKKê berdewam dikin: Beşdar li Dukanê dicivin
PeyamaKurd - Amadekariyên ji bo danîna çekên koma yekem a Partiya Karkerên Kurdistanê (PKK) qediyan. Bi sedan endamên herêmî û navneteweyî, ligel rêxistinên civaka sivîl û beşdaran, li navçeya Dukanê, nêzîkî cihê merasîmê, li bendê ne.
Piştî banga rêberê PKKê Abdullah Ocalan di 27ê Sibatê de, rêxistin dê ji îro pê ve dest bi danîna çekan bike.
Komek ji 33 heta 44 kesan wê di merasîma sembolîk de, ku wê li navçeya Raperîn a Silêmaniyê were lidarxistin, çekên xwe li cîhek diyarkirî radest bikin.
Eendamê Kongreya Neteweyî ya Kurdistanê (KNK) Dr. Hakim Abdulkerim got, "Mêvan û rojnamevanên ku beşdarî merasîmê dibin li Otêla Aşur a li Dukanê dicivin û ji wir, ew ê bi rêya derbasbûnê ber bi cihê merasîmê ve werin veguhastin."
Di daxuyaniyekê de ku navenda medyayê ya KCKê di şeva 9ê Tîrmehê de weşand, wêneyek ji çapemeniyê re hat şandin û hat gotin ku ti rojnamevan wê nikaribin bi wesayîtên xwe beşdarî merasîmê bibin, ji ber ku veguhastin wê ji hêla rêxistinê ve were peydakirin.
Di daxuyaniya KCKê de hat gotin, "Ji ber tedbîrên ewlehiyê, têkiliya rasterast bi endamên koma ku wê çekên xwe deynin re wê ne gengaz be, lê ew ê derfeta hevdîtina bi çavdêran re hebe."
