Wezareta Dadê ya Kurdistanê dê pêşangeha daîmî ya pirtûkan veke
PeyamaKurd – Wezareta Dadê ya Hikûmeta Herêma Kurdistanê ragihand ku ew ê li kêleka avahiya Wezareta Dadê ya li ser Rêya Eynkaweyê pêşangeheke pirtûkan a daîmî ji bo parêzer, xwendekarên hiqûqê û akademîsyenan veke.
Li pêşangehakê dê pirtûkên bi zimanê Kurdî, Erebî û Îngilîzî yên têkildarî warê hiqûqê peyda bibin, da ku bibe çavkaniyeke girîng ji bo pisporên qada hiqûqê.
Li gorî Wezareta Dadê, armanca vê pêşangehê ne qezenca bazirganî ye, lê belavkirina hişmendî û çanda hiqûqî ye. Pirtûk dê bi bihayên guncav werin firotin, da ku xwendekar û pispor jê îstifade bikin.
Dr. Mihemed Silêman, serokê Navenda Lêkolînên Yasayî ya Wezareta Dadê, diyar kir:
“Pêşangeha Pirtûkan a Dadê dê di demeke nêzîk de dest bi xebatê bike. Em plan dikin ku di pêşerojê de wê berfireh bikin û pirtûkên zêdetir ji Kurdistanê û derveyî welêt lê pêşkêş bikin.”
Wî her weha got ku ev pêşangeh dê bibe platformeke sereke ji bo belavkirina zanîna hiqûqî û piştgirîkirina kesên di warê hiqûqê de kar dikin.
Navenda Lêkolînên Hiqûqî, ku di sala 2020an de hatiye damezrandin, heta niha 25 pirtûkên hiqûqî, 25 belavok û 12 hejmarên kovara “Peymana Civakî” çap kirine, ku ev yek rola wê ya çalak di pêşxistina çanda hiqûqê de nîşan dide.
Ev nivîs 121 car hatiye xwendin.
